فوائد التصويت للـ top 5 ..؟!

بسم الله الرحمن الرحيم ..

..

انا شايفة انه هالفترة الناس مرة منهوسين بسالفة التصويتات حق طيور الجنة TOP 5 وكل وحدة تقول صوتوا لديمة صوتوا لرغد صوتوا لعمر صوتوا للعزاوي ومعبين الشات ومواضيع هذا القسم صايرة تسد النفس بصراحة ..

الحين وحدة تفهمني انتم وش تستفيدون من التصويت ..؟

طيب وفازت مثلا ديما مين قالكم انو هذا دليل على انها اكبر قاعدة جمهورية , مين قالكم انو بالتصويت تعبرون عن حبكم للنجم ..؟َ! - خلاص انت تحبه حبك بقلبك الحب مو بالتصويت ..!

هذا ما يدل على الحب في ناس عاقلة ما تروح تضيع فلوسها على التصويت وعلى اشياء ماتقدم ولا تاخر ..

واحيانا اشوف بالمواضيع والله لو ما فوزتم انشودة ديمة ومحمد والله رح يزعلون <~ يعني وصلت فيكم الدرجة انكم تحلفون على شي مانتم حتى متاكدين منه ولا له اصل حتى .. يعني انتم متوقعين ديمة ومحمد لهدرجة تافهين يزعلون عشان انشودة ما تفوز بالتوصيت .. انا كتاكدة وابصم بالـ 10 ما يزعلون ..

اصلا هذا اذا كانوا شايفين التصويت تلاقينهم متلهين ويسافرون ويصورون كليبات ويسوون افكار جديدة ومستغلين رمضان بالطاعات موب فاضين يجلسون يزعلون عشان شي تافه =) ..

ولا بعض من الاعضاء يكتب رسالة طويلة يوزعها على الاعضاء حاط فيها ارقام الارسال ورقم التوصيت وصوتوا للنجم الفلاني .. لو تروح وتكتبت اذكر الله او مثلا سبحان الله اونصيحة او شي او تذكير بسنة انا اشوف انو افضل لكم من انو تنشرون كلام للتصويت ..

لانه هذا تاخذون عليه اجر اما التصويتات ما رح تفيدكم بشي ..

وبعدين معليش خير انشالله محبات ديمة ومحبات رغد امسكوا عقولكم شوي يعني معبين الشات ويلا اثبتوا لديمة انكم تحبونها واثبتوا لرغد انكم تحبونها والله يوم اقرا شريط الرسايل اجلس اضحك عليهم ..

يعني وش دييمة ووش رغد ترانهم اصدقاء ولو شافوكم كرهوكم على اسلوبكم هذا ..

انتم بالغصب تبون تنقسمون قسمين محبات ديمة ومحبات رغد وش قالوالكم ديمة ورغد اعداء مسوين اححزاب خلاص ما تحبين رغد احترميها عشان صديقتها اللي تحبيها صح ..!

وبعدين مثلا لو فازت انشودة وردتنا .. الاقي البنات فررحانين بالشات هي فازت ديمة باركولها وش دخل ديمة الانشودة فازت ومنزلين موضوع بالمنتدى ديمة فازت الف مبروك يلا محبات ديمة افهموا الانشودة هي اللي فازت موب ديمة ولا رغد ولا لين ولا بطيخ ^^ ..

نصيحة مني لكل الاعضاء : بدال ما ترسل رسالة تصوت فيها واكثركم يرسل 10 ليش ما تاخذ هذي الفلوس وتروح تتصدق فيها انتم اقروا بس عن فضل الصدقة موب احسن لكم من التصويت تجون يوم القيامة محتاجين حسنة وحدة تندمون وتقولون يا ريت اني تصدقت بالفلوس بدال ما اصوت .. او مثلا لو عندك اخ او اخت صغيرة لو شريتي له اي شي بسيط صدقيني يصير يحبك ويشوفها كبيرة منك احسن لكم من التصويت صدقوني هذا التوصويت تضييع فلوس ع الفاضي =) .. - او مثلاآ بدال ما ترسل رسالة للتصويت افتحي الجوال سوي انشاء رسالة واكتبي اللهم صلي وسلم على محمد او سبحان الله وسوي ارسال للكل وشوفي حجم الاجر اللي يجيك بينما رسالة تصويت لا تقدم ولا تاخر ^^ ..

انا مآآجبر احد على اي شي انا اقول رايي ووجهة نظري فقط =) ..

انا بالنسبة لي لو يقولون التصويت بريال ماصووت لانو ما رح اجلب منه اي فايدة ^^ .. وتذكروا انو التصويت مارح يكون سبب سعادة اي نجم وحرام عليكم تروحون تشحنون رصيدكم بـ 100 رياآل عشان التصويت ..

وتذكروا حديث الرسول صلى الله عيه وسلم ..

(( لا تزول قدم عبد حتى يسأل عن :عمره فيما افناه , وعن شبابه فيما ابلاه , وعن ماله من أين اكتسبه وفيما أنفقه , وعن جسمه فيما أبلاه )) ..

ملاحظة الموضوع هذا مو منقول انا نزلته هنا وبمنتدى ثاني فقط ^^ ..

.. والسلام عليكم ..

فعلا كلامك صحيح
الحمد لله انا ما بصوت ولا بهتم اصلا للتصويت ابدا

يسلمو يا حلوة كتير

فعلا كلامك صحيح

لاكن انا اهتم بالتصويت لاكن مااصوت

منورات